Loyem Memorial trophy: Foothill United quarters-i iogo

Dimapur, Mongputeni/October 24 (TYO): Tang Loyem Memorial Ground nung tasayadak Loyem Memorial Trophy Rasemnü asaya nung Foothill United FC aser Mt. Pongen FC na draw nung tembang. Foothill United pur quarter-i aitsü asoshi draw asüba ya teperi liasü.
Ajisüaka Foothill United captain, Ahocho yiruba ajanga asaya tenzüker minute 11buba nung tuguadoktsüsa aküm koba par telok asoshi knockout stage nung kanga takoksa asütsü. maneni asaya nungsa Foothill nungi asayar Ritsase-i asayar yimya shidak mebenshiba atema minute 43buba nung yellow card ka agüja liasü.
DEF Tsg den külemi Foothill United pur quarter-i iogo.
Asayamung mezüngbuba quarter-final ya Nyenshen FC aser Hügel Hifliers FC na tsüngda Yangtepnü 1:00 ako nungi tenzüka asayatsü.