LPG abenba gari ka tsüokba ajanga Assam nung nisung 4 asü, aser 30 yiru

February 28, 2017 : Assam, Golaghat district, NH 37 nung yasüng oil tanker ka meküper apokba sülen nisung asem rongset aser parnok 30 dak tema yiruogo.
Iba gari Guwahati nungi Upper Assam nung Digboi-i oyaa liasü. Osang ajanga ashiba agi, gari anisangi Dergaon police station kübok aliba Rangaliting süngolu anasa gari mazüokteti meküpdaktsü, ta police ketdangser kati ashi.
Gari meküpba sülen totsü bener aliba pongji pokmaa totsü yimdoktsü tenzük aser ibaji ajanga mi tulu jangrudaktsüa iba tesem anasa alir par asem rongset, aser ka mozüki nung tanü süogo, ta ketdangsertemi metetdaktsü.
Iba mi lendong nung lenmang anasa alir süngolu nung inyakertem ki 9 rongdokogo.
Tasürtem rongnung küm 9 tetsür chanu ka aser nisung tain ana asü, ta police ketdangser-i ashi.
Assam Agriculture Minister Atul Bora-i iba tesem semdanga asür kinungertem nem sen lakh 4 agütsütsü metetdaktsü, ta sorkar ketdangser kati ashi.