LPG atema Kohima DC-i sangdonger

Kohima, Mongputeni/October 10 (TYO): Kohima DC-i sangdong ka ajanga, transportation aser tanga kuli dak sendakba nung jenjang kanga atuba nung ajemdaker LPG booking aser delivery charges reprangshia melenshiogo, ta metetdaktsü.
LPG booking aser delivery charges: LPG refill asuba, booking aser handling charges ji cylinder shia sen 40 asütsü (colony representatives aser village representatives atema); LPG delivery aser mini truck ajanga Kohima village densema kiyong balalai belenba atema cylinder shia sen 60 asütsü; mini truck ajanga KMC jurisdiction adener talang nung aliba yimtsüngtemi mini truck ajanga belenba atema LPG delivery charges ji sen 90 asütsü.
DC office ajanga osang tasen ka magütsü tashi iba tetuyuba ya Mongputeni/October 10 nungi tenzüka benshia atatsü, ta DC-isa metetdaktsü.