LPG subsidy atema Aadhaar card nüngdaktsü

New Delhi, October 04 (Agencies): Sorochokba gas, LPG subsidies atema Aadhaar card nüngdaktsü, ajisüaka sorkari nüburtemi unique identification number renemtsü atema ita ana mapang agütsüogo.
Tang sorkari küm nung kibong shia seret 14.2 indang cylinders 12 subsidized rate nung agütsür. Cylinder shia subsidy ji jelia bank accounts nung inoktsür, iba sülen nisungtemi market jenjang nung LPG alir.
Oil Ministry sangdong ka ajanga, “LPG subsidies aginertemi Aadhaar sayutsü mesüra Aadhaar authentication nüngdaker,” ta metetdaktsü.
Aadhaar card malirtemi unique identification number renemtsü atema November 30, 2016 nü tashi mapang agütsüogo.
Aadhaar card mangu tashi LPG subsidy atema bank photo passbook aser Aadhaar enrolment ID slip mesüra voter ID card, ration card, kisan photo passbook, driver license den Aadhaar enrolment nüngdaktsü.
“Iba temetetdaktsüba ya Assam, Meghalaya aser Jammu & Kashmir dak alaka state ajak nung benshitsü,” ta kasa sangdong nung shia lir.
LPG subsidy ya Consolidated Fund of India nungi agütsür aser iba tajangzük angutsü atema Aadhaar card nüngdaktsü, ta Oil ministry-isa metetdaktsü.