LS aser 26-Aonglenden elections atema candidate ajak agizükogo ; Nagaland nung vote agütsür ajak agi 12,13,777 lir

Kohima, March 26 TYO): April 11 nü Nagaland Lok Sabha election aser 26 Aonglenden Assembly Constituency by-election atema tenüng agütsüba candidate ajak indang kulikakettem agizükogo.
Lok Sabha elections atema tenüng agütsüba candidate pezü- INC candidate K L Chishi, People’s Democratic Alliance (PDA) consensus candidate & Nationalist Democratic Progressive Party (NDPP) nominee Tokheho Yepthomi, National People’s Party (NPP) candidate Hayithung Tungoe aser Dr. M. M Thromwa Konyak nungertemi agütsüba kulikaket ajak reprangdongogo aser shitak ta agizükogo, ta Commissioner Nagaland & Returning Officer, Motsuthung Patton-i ashi.
Ajisüaka, Dr Konyak-i Indian Christian Secular Party (ICSP) candidate ka ama tenüng agütsü saka Party-i pa shimba inked copy magütsütetba agi Independent candidate ka ama tokteptsüsa akümtsü, ta paisa ashi.
Iba mapang Chief Electoral Officer (CEO) Nagaland, Abhijit Sinha dena liasü aser pai ashiba agi 26-Aonglenden Assembly Constituency atema Congress indang substitute ka dena candidate 5-i tenüng agütsüba kulikakettem ajak agizükogo.
Assistant Returning Officer aser SDO Mokokchung, Abinav Shivam-i Alemjongshi Longkumer (Congress), Toshipokba Longkumer (NPF), Sharingain Longkumer (NDPP) aser O. Tinu Longkumer (NPP) nungeri agütsüba kulikakettem reprang, ta paisa shisem.
Chichiba candidate temi agütsüba kulikakettem ajak shitak ta agizük asü nung Congress substitute candidate Obendangba indang nomination agiener, ta Nagaland CEO-isa metetdaktsü.
Candidate tem rongnung NPF candidate Toshipokba anema dang ozüng alema inyakba ken o ka benoka lir. Pa ya ganja shibelenba ken o ka nung tai tonglokja lir.
Elections anaprong atema candidate temi tenüng meyipa agitsü anogo tatembangbaji March 28 nü lir.
March 25, 2019 tashi nung Nagaland nung vote agütsür nisung ajak agi 12,13,777 lir. Iba ya 2014 dang nungi vote agütsür 30,805 agi teimba lir, ta CEO Abhijit Sinha-i metetdaktsü.
Vote agütsürtem rongnung tetsür 5,98,503 aser tebur 6,15,274 lir. Maneni matamabensar voter 6081 lir, ta paisa shisem.
April 11 anepdang 7:00 ako nungi nikongtsütsü 4:00 ako tashi polling stations 2227 nung vote agütsütsü. Aonglenden AC nung LS aser Assembly menden atema polling külemi agitsü, ta paisa shisem.
Nagaland nung Model Code of Conduct tenzükba sülen yi litre 19,038.949 tashi puogo aser election nung amshitsü ta temulung melemi bilemba sen lakh 69.57 tashi apu. Iba dak sendakba nung nisung 605 nem ken o balala kübok bonds nung sign südaktsüogo. Elections tiptema agitsü atema maparen ajak renema lir, ta Nagaland CEO Abhijit-isa metetdaktsü.