LS & Assembly elections atema Arunachal-i CAPF company 60 meshir

Itanagar, January 24 (Agencies): Arunachal Pradesh nung Lok Sabha aser Assembly elections atema state sorkari Election Commission of India (ECI) dang Central Armed Police Force (CAPF) company 60 meshiogo.
Chief Election Commissioner (CEC) of India, Sunil Arora den video conference ka alidang State Chief Secretary Satya Gopal-i Indo-Myanmar arrtsü aser Assam den arrtsülen security akangshitsü atema ashi.
Gopal-isa Arora dang lendong ataloktsü akok ta asüba constituency tem jangjaogo aser item nung teinyaktsü mapatem inyaktsü ta ashi.
Iba video conference alidang DGP SBK Singh, Principal Home Secretary Dr AC Verma, Chief Election Officer Kaling Tayeng, IGP Sunil Garg, DIG K Kaming aser Tax & Excise commissioner NT Glow nungertem aden.