LS & by-election atema candidate 3-i tenüng agütsü

Kohima, March 22 (TYO): Lok Sabha election aser Aonglenden Assembly Constituency indang by-election atema nominations maparen tenzüker anogo pungububa nung candidate asemi tenüng agütsüogo.
Parnok rongnung Nationalist Democratic Progressive Party (NDPP) nungi candidate ana aser Indian National Congress nungi ka lir.
Nagaland nungi Lok Sabha menden ka atema People’s Democratic Alliance (PDA) külem candidate aser NDPP züngsem Tokheho Yepthomi aser taoba Chief Minister K L Chishi nati tenüng agütsü.
Tanü tenati Commissioner Nagaland aser nd Returning Officer for the Parliamentary polls in Nagaland, M Patton nem kulikakettem agütsü.
Maneni, 26-Aonglenden Assembly Constituency bye-election atema tanü PDA külem candidate Sharingain Longkumer-i tenüng agütsü.
Pai SDO (Civil) Mokokchung aser by-election atema Assistant Returning Officer Abhinav Shivam nem kulikakettem agütsü.
Elections nung tokteptsü atema tenüng agütsüba maparen ya March 18 nungi tenzük aser March 25 tashi agitsü.
March 26 nü kulikakettem reprangtsü aser March 28 tashi nung candidate temi tenüng meyipa agitsü akok.
Nagaland nung Lok Sabha election aser Aonglenden Assembly Constituency indang by-election ji April 11, 2019 nü agitsü.