LS election atema EVMs nung sen cr 4,000 indok

New Delhi, Chiteni/July 05 (Agencies): Tawa agiba Lok Sabha election nung amshitsü atema EVMs alizükba nung Centre sorkari sen crore 4000 jungnüa indokogo, ta Union Budget osang nung shia lir.
Iba Budget nung Lok Sabha election atema sen crore 1,000 lemzüktsüogo.
Ano Union Budget nungsa state tem aser Union Territory sorkartemi Lok Sabha election mapang nung indokba sen aser electoral roll printing nung indokba nung Central sorkar shilem state aser UTs nem agütsütsü atema sen crore 339.54 lemzüktsü.
Kasa fund nungisa EVMs tejen raksaa indokba nunga amshitsü.
Yaküm electronic voting machines (EVMs) aliba nung Election Commission of India (ECI)-i sen crore 3902.17 indoka liasü.
Taküm April 11 nungi tenzüka May 19, 2019 tashi nung shilem tenet küma lemsar Lok Sabha election agia liasü, aser iba election nung EVMs den paper trail machines lakh 10 shi amshia liasü.
Lok Sabha election nung tang mezüng linük nung aliba polling station ajak nung paper trail machines amshiogo.