LSTK-LKMCECC shisatokden sentong agi

Kohima, October 22 (TYO): October 21, 2017 anogo nung Langpangkong Senso Telongjem Kohima aser Langpangkong Kaketshir Mongdang Clean Election Campaign Committee külem shisatokden senden ka Red Cross Building, Kohima nung agia liasü, ta LSTK tongti tezülur, P. Yapang Jamir-i Deobarnü sangdong ka nung metetdaktsü.
Iba senden nung Kohima nung alir Langpangkong senso tajung tsürabur aser lenir aika jaoka Clean Election asoshi shisa lemsatepogo.
Iba senden nung bangzüng: LKM Clean Election Campaign Committee ajanga Langpangkong nung Clean Election asoshi koba mapa inyaka odar item ajak nungita yaritsü lemtet.
Iba dak alia Langpangkong nung yimtsüng, putu menden, Arogo, Kaketshir, lokti tentet balala, kija aser kibong shirnokisa rongsen, nübo, shisatsü aser mapa ajak nung nungtia yaria arudagi, parnok ajak dang Langpangkong Senso Telongjem Kohima ajanga kanga pelaba sangdonger, ta kasa sangdong ajangasa metetdaktsü.