LTM aser LKM-i sangdonger

Dimapur, July 12 (TYO): “Alima ka tejakleni oa aser nüburtem rongnung tongtepratepa jangyu medema litettsü asoshi lenmang ya kanga tongtipang lir; Tanü asen Nagalima sorkari lenmang tsütsü kanga temolung agüja inyakba ngua pelar, ajisüaka tang tensa N.H No-2 koba agi Langpangkong südanga lir iba lenmang kangasa mejungi raksa aliba Aoer senso tajungtem aser oli orar ajaki ngudar, iba lenmang ya asen Ao kin asoshi dang masü saka Naga kin aika asoshi takum lenmang kümogo, saka senzüsempongertem lirepba senzütettsüsa mesüi kanga mejungi raksa alinung tekaratiba nung iba lenmang yanglutsüla,” ta Langpangkong Tsükong Mungdang (LTM) aser Langpangkong Kaketshir Mungdang LKM ajanga achaayanger sorkar lenirtem dang metetdaktsür, ta LTM Tir, L.Tally Lkr aser LKM Tir, Imnakika Jamir nati sangdong ka ajanga metetdaktsü.
Sorkar ka teinyaktsü tulutiba aser tongtibangtibaji nübur ola angaa aser takhangba ataloktsütsü tim, anungji iba mapa nemtaka metoktsüi tekaratiba nung reprangtsüla.
LTM aser LKM-i Langpangkong litsü nung Dept. balala mesüra nübur ajangzüktsü asoshi koba developmentsa inyakdagi aser inyaktsü lir iba mapa nung kecha telokia saru (tax) memeshitsüla, ta kasa sangdong ajangasa metetdaktsü.