LTM-i LKMCECC mapa nungittsü metetdaktsü

Dimapur, July 02 (TYO) : Nagaland merenlokteti rajang küma telungi lurepba timtem tekangshi tia ya election timi magitetba temenen ajanga lir ta angateta Langpangkong Kaketshir Mongdang (LKM)-i tasü itta tongbang ayongzüka raraba mapa nung Langpangkong nunger ajaki nungiter, ta sangdong ka ajanga Langpangkong Tzükong Mungdang tir Wb.L.Tally Longkumeri metetdaktsüogo.
Iba ama lokti temenen tulu anema raraba tongpang nung wajak nung nokdaker LKM Clean Election Campaign Committee nung züngsem ajaki pei nübo, shisatsü aser rongsen tenlaa nübortem den shisalemsatepa jajaba angu dang kanga pelar aser parnok nem tenüngsang agütsür, ta paisa ashi.
Ano, LKMCECC-i anir July 18, 2017 nü nungi Langpangkong nung aliba yimtsüng ajak tsüngdong tonga oagi yimsüsür aser lenirtem den shisalemsateptsü sentong renema alinungji, iba sentong nung yimtak putu yimsüsürtem, Arogo tenzükertem, Watsü telen nung lenirtem, kaketshir aser lokti tentet balala nung lenirtem ajaki shilem tajung agidaktsüner, ta LTM tirisa mepishia metetdaktsüogo.