LTM-i sanen luden senden ayonger

Mokokchung, Luroi/August 26 (TYO): Langpangkong Tzükong Mungdang (LTM) kanga tongtibang nüngdak kar jembitsü alinung August 29, 2019 nü anüngdang 11:00 ako shitak nungi tenzüka LTM Salang, Chuhcuyimlang Town nung Sanen Luden senden amentsü, ta tanü LTM President, M Zulu Ozüküm aser aser General Secretary, Lanu Pongen nati sangdong ka nung metetdaktsü.
Iba senden nung Yimtsüng aser Town shia nungi sanen luden züngsemtem ajak aruagi adentsü sangdonger.
“Iba senden ya asen Tzükong asoshi kanga tongtibang asünung mepaidoktetba timtem dak alaka lokti kecha nema sodi magütsütsü nenshia metetdaktsür,” ta kasa sangdong nung shia lir.