Lucie Safarova-i Prague Open takok marok nguogo

Prague, April 30 (Agencies) : Prague Open  asayamong final asaya nung Czech Republic nungi Lucie Safarova-i Honibarnü Australia tsür Sam Stosur madak 3-6, 6-1, 6-4 agi takok nguogo. Ibai la asoshi WTA marok tenet buba lir.
“Tanü asaya kanga melara masü asü. La den teti kanga sasaka asayar. Ni mapang tajung ka ata liasü aser ni tanabuba set nung maongka tajung ngutet,” ta Safarova-i ashi.
Yaküm French Open nung tanabuba jenjang nung takok angula, Safarova-i taküm kija asayaba nung takok ka danga magu aliba tan ya angurba lir.
Lai iba asayamong nung asaya pongu tashi atong atong koka liasü.
Mezüng set nung Stosur-i kangasa junga asayatet ajisüaka anünga aliba set ana nung lai double fault tenet menaba agi la jenjang mejungi aküm.
“Ni tan asayamong nung jangratema mongogo,” ta 2011 US open champion, Stosur-i asaya temer külen ashi.