Ludhiana: küm 16 tain kati küm 9 tanur ka tepseter pa shi achi aser azü ajem

Ludhiana, January 21 (Agencies): Honibarnü Punjab police-i Ludhiana nung arishi küm 16 tain ka puogo.
Pai küm 9 tanur ka tepset aser temang shilem terok küma lepsatsü, iba sülen tasüsang tepi nung shi rangzüka achi aser pa zü ajem.
Deepu Kumar shi achitsü asoshi pa tepset, ta police dang pai Mongolbarnü nangzük.
Iba tanubosang temang juli ka nung seper ali tazüng ka nung lia angu.
Maneni tasüsang indang temolungjang rangteter Mata Nagar nung aliba Holy Heart Senior Secondary School kima merepdok, ta pai police dang ashi.
School-i monüba ajanga school nem tenüng tamajung bener arutsütsü asoshi iba mapa inyak ta pai ashi. Police temi iba temolungjang school kima nung shia aruogo.
CCTV nung tangokba noksa ajanga police-i iba ken o putet.
“Iba ya nisungshi achiba ken o ka lir. Pai an shi tazü, aser pa mang nungi shi chinüa aiter ta onok dang ashi,” ta Deputy commissioner of police Bhupinder Singh-i ashi.
Iba tanubosangi Deepu’er kinungertem nung sen meshitsü tasa asa saka iba sentong pai doktsü, ta DCP-isa metetdaktsü.
Ketdangsertemi iba tanubosang tekolok aser temang tendangtsü asoshi mozüki-i anir ogo.