Luizinho Faleiro-i NE nung AICC in-charge inyaktsü

Shillong, Luroi (August) 22 (Agencies): Taoba Goa Chief Minister Luizinho Faleiro-i Meghalaya aser tanga northeast state tem nung All India Congress Committee (AICC) general secretary in charge inyaktsü shim.
Assam dak alaka Faleiro-i iba mapa inyaktsü.
Faleiro-i AICC general secretary CP Joshi nungi iba mapa melenzüktsü. Joshi ya northeast state ajak indang in-charge liasü.
All India Congress Committee tir Rahul Gandhi-i Faleiro iba mapa inyaktsü atema shim.
Joshi-i Northeast state tem indang in-charge ka ama mapa meranga inyakba aser shilem tajung agiba atema AICC-i tenüngsang agütsür ta sangdong ka nung metetdaktsü.
Faleiro ya September 2014 tashi AICC general secretary in charge of Meghalaya inyaka liasü.
August 23, 2018 nü Meghalaya nung by-elections agitsü lia Faleiro nem iba mapa agütsür asütsü.