Lukikhe yimtsüng nung medical camp ka aka

Dimapur, Tsüklai/February 12 (Agencies): 32 Assam Rifle puri Aghunato Sub- Division kübok Lukikhe yimtsüng nung February 12 nü medical camp ka ayongzüka kaogo. Iba sentong ya Military Civic Action (MCA) Operation, Sadbhavna kübok ayongzüka aka.
Medical team ya 32 AR Deputy Commandant (SMO) Dr. Ngukato Kiho, lenisüba kübok Captain Abhishek Sharma RMO 32 AR, Zunheboto nati achaayanga kaogo. Medical camp mapang Lukikhe, Shevishe aser Aghunato kübok yimtsüng tem nungi nüburtem temang angati agi tendangba den mozüa angati agi lemja liasü, ta APRO Aghunato sangdong ka ajanga metetdaktsü.