Lumia aser Sarasademba tashi

“Anungji parnoki lumia aser sarasadema tena dak teka agi nemet aser tena pila yok” T. Mapa 11 :21
Mezüng putu nung Antiok arogo kanga ainba mapang tepela tulu liasü, “parnok aika amanga kibuba dangi meyip” T.Mapa 11:21. Iba yongji Barnaba aser Pauli, tamanger tasentem sayutsü aru. Saka parnok kanga meranga inyakba tiyalong nung, parnoki sarasadema aser lumia Kibuba bushi T.Mapa13:2-3. Ibaji ajanga Asia limai Tsüngremi osang tajungji bener aotsü sentong jungkai adoktsü. Paul aser Barnaba asoshi takok tulutiba aser Tsüngrem temoatsü angubaji miim tashi ka liasü aser ibaji tenati ajak nung lumia sarsadema Tsüngrem wadangji inyak.
Tanü, asen kin, loktitem, Arogotem, Kibongtem, aser pei taküm nung tanela ajangzüktsüba aser Tsüngrem tsüngdang takoker kaka asütsü asoshi Tsüngrem tsüngdang ochi agi lumia sarasademtsüla. Tanü, asenoki kong mapang indoker? T.V reprangba, lokti tentet onsara aser entertainment onsara item nungang asenoki mapang teimba indoker asü? saka asenoki lumia sarsademba tashi aser tamang nung tashi mait lir. Arung asenoki iba lima nung temenen tongpang koktetsü asoshi sarasademdi aser lumiba tamang bushidi.
Sarasadem: Kibuba Yisu, Nü tashi aser ain onok dang apulokjangma. Amen