Lungkak aitaka Nicki Minaj-i concert ayongzüka shilem agi

Luanda December 21, 2015: Linük nung ochimashi aser meimchir temeten alema inyakbatem nung ajemdaker Human Rights Foundation kati rap kentener Nicki Minaj anema lungkak aita la dang Launda nung kenten sentong thinentsü metetdaktsü, ajisüaka lai iba kenten sentong nung shilem agiogo.

‘Anaconda’ ken atenla Minaj-i December 19 nü Angola yimtiba Luanda nung sentong ka nung shilem agitsü liasü.

Jose Eduardo dos Santos’er sorkar kübok sorkari osangbenertem, meimchir temeten atema inyakertem aser sorkar anema jembirtem temeten anema inyaker, ta tai tonglokja lir.

Tan ita tetenzüklen Human Rights Foundation (HRF) tekolak, Thor Halvorssen-i shidi ka ajanga Nicky Minaj dang, kenten sentongji thinentsü mepishia liasü, saka lai ibaji magizüki sentong nungji shilem agi.