LYSO & Alianza telok 16 buba NSF quarterfinal-i iogo

Kohima, October 06 (TYO): Laü Youth & Students’ Organization (LYSO), Manipur aser Alianza Football Club (AFC), Dimapur nati taoba champions, Kohima Village Students’ Union (KVSU) aser New Market XI telok na madak takok ngua 16 buba NSF football asayamong quarterfinal nung shilem agitsü jenjang tanü Mongolbar nü ajangzükogo.
Tanü mezüngbuba asaya indang asaya mezüngbuba shilem nung telok anapronglai goal kata magütsüteti süidaktsü.
Ajisüaka, asaya tanabuba shilem tenzüker minute 19 buba nung KVSU defender, Khriekeduotuo Yhome-i ball nung teka agi kongshiba yong LYSO teloki penalty metsütsü maongka angu.
Aji oda, S. Stephen-i penalty kick-ji takok ngua metsüba ajanga par LYSO teloki goal 1-0 agi tanü takok angu.
Tanabuba asaya nung Apothung Yanthan-i par Alianza telok tenüng nung goal 1 aser Rhitsho Mero-i par New Market asoshi goal 1 agütsüba yong par telok anapronglai kasa jenjang ngua asayaji draw nung tembang.
Tesülen, takoker shimtsü asoshi tie-breaker metsütepdang Alianza asayar 4 tashi goal takok ngua agütsü saka New Market asayar 2-i dang goal takok ngua agütsütetba yong Alianza teloki goal 4-2 agi tanü takok ngua liasü.
October 9 nü asaya yamai alitsü:
Tiema-Khe Kidima vs Addax FC Kohima @ 12:30 pm
Meriema Village Youth Organisation vs Pro-Streax United, Dimapur @ 2:00 pm