“M.S. Dhoni: The Untold Story” film agi ananü nung sen crore 41.9 aatetogo

Mumbai, October 2, 2016 : Film yanglur Neeraj Pandey-i direct asüba “M.S. Dhoni: The Untold Story” film India nung sayar ananübuba nung sen crore 41.9 aatetogo.
Sangdong ka ajanga ashiba agi, iba film yagi Honibarnü sen crore 20.6 aatetba ajanga ananübuba nung sen 41.9 jungogo.
Mahendra Singh Dhoni taküm otsü nung ajemdaker yangluba film ya Uttar Pradesh nungbo tax magir.
Iba film ya Fox Star Studios aser Inspired Entertainment nungi Arun Pandey nungeri produce asü aser film nung Kiara Advani, Disha Patani aser Anupam Kher nungeria tongti shilem kar agia lir.
“Mahendra Singh Dhoni taküm otsü meimba atema India nunger dang kanga pelar. Pa asen linük jabaso aser onoki cricket sapurtem aser film teti reprangertemi taginüba tongtsütetba atema pelar,” ta Fox star studios CEO, Vijay Singh-i sangdong ka nung ashi.
Inspired Entertainment nung producer aser mendenbuba, Arun-i iba film nungitba atema linük rangben dang pelaba metetdaktsüogo.