MAAM-i District Relief fund nem tenla agütsür

Miss Mokokchung, Ayusangla Jamir-i Mokokchung Deputy Commissioner, Sushil Kumar Patel (IAS) nem Mokokchung Arts & Aesthetics Management (MAAM) tenüng nung tenla agütsüba noksa nung angur. (Mokokchung, May 06, 2016)

Dimapur, May 06 (TYO): Mokokchung, Longleng aser Mon nung yipru mopung tesashi agi teraksa bener arutsüba khuret angateta Mokokchung district Arts & Aesthetics Management (MAAM)-i Mokokchung district kübok takoksa angurtem yaritsü atema District Relief Fund nem tenla agütsüogo.
Hokolbarnü MAAM-i tanga teloktem den külemi Deputy Commissioner Relief fund nem tenla agütsü.
Tanü Miss Mokokchung, Ayusangla Jamir aser Yangerjungla Pongen (2nd runner up Miss Nagaland 2015) na den MAAM ketdangsertemi Deputy Commissioner den ajurutep aser iba timtem atema tebilemba lemsatepba den DC Relief Fund nem tenla agütsü.
Loktiliba nung lanurtem aser tetsürtem ajungkettsü atema MAAM-i mapa inyaka arur aser iba telok yagi küm ana tashi Miss Mokokchung tetoktepba takok ngua ayongzüka agiogo. Ano, MAAM-isa cancer agi shirangertem aika yaria arudar.

MAAM-i District Relief fund nem tenla agütsür added by nungsang on May 7, 2016
View all posts by nungsang →