MABCYM-i goal 5-2 agi DAABCYP telok madak takok angu

Dimapur, May 09 (TYO): Saisapongba ajanga Tsüngrem osang lemsateptsü nükjidong nung Dimapur Ao Area Baptist Church Youth Pastors (DAABCYP) telok aser Medziphema Ao Baptist Church Youth Ministry (MABCYM) telok na tsüngda football asaya ka I.E.T.C Ground, Medziphema nung tanü, Hombar nü asayaba osang jangjaogo.
Imkongtoshi, Moatemjen, Lima Jamir aser Alisosang nungeri goal kaka agütsüba densema, par MABCYM teloki goal 5-2 agi DAABCYP telok madak takok ngua liasü.
Tanü asaya tenzükba jakdang Dimapur Ao Baptist Arogo (DABA) nung Associate Youth Pastor, Toshi-i Tsüngrem o nungi lemsatepa tesenteper aser asayartem ayongzükba osanga jangjaogo.