MACAA puri December 4 nü RCEMPA nung “Live Music” ayongzüker

Kohima, November 27 (TYO): Music And Creative Arts Alliance(MACAA) teloki “Live Music” ta nüngja agütsür December 4 nikongtsütsü 5:00 ako nungi tenzüka RCEMPA, Jotsoma nung sentong ka ayongzüka akatsü.
Iba osang ya Hombarnü Dream Café nung osangbenertem den lemsatepa liasü. Iba sentong nung shilem agitsüpurtemji: Divine Connection, Abiogenesis, DGP Band, MenguSuokhrie, Mezanuo Ngukha aser Moko Koza nunger alitsü, ta MACAA-i metetdaktsü. Iba sentong ya local artistes tsüngda nung revenue circulate asütsüba aser kentener tajungtem adenshia shilem agiba ajanga nüburtem nem tajangshiba balaka agütsütsü nükjidong nung ayongzük.
Iba sentong atema ticket tem Café Aurora, Dream Café, D Café, HiDesign, Musicians’ Studio, Music Planet aser Art, Chromatic Clef, KrankHub aser RCEMPA nung sen 300, 500(Two entry) aser 1000 (Donor tem sentong mapang nung refreshment angutsü aser sentong tembangba sülen artist tem den chiyongtsü) agi angutsü.
Music And Creative Arts Alliance ya event Management team ka lir, aser parnoki Performing Arts : Music, Dance, Theatre aser Visual Arts nunger amala ajungketba nung shilem agir.