Mad Max: Fury Road amala film nung shilem agitsü jangrar: Katrina

Mumbai, February 02 (Agencies): Bollywood actress, Katrina Kaif-i Hollywood nung yangluba action film, Mad Max: Fury Road amala film nung shilem aginüa bilemba olen ka metetdaktsüogo.
“Teyariteper dang peria lira, India nunga tetsürtemi tongti shilem agiba action film-tem takok ngua yanglutettsü ta amanger. Yamaji asangsang nung yanglura, ibaji temelenshi tasen ka asütsü,” ta Dhoom: 3, Ek Tha Tiger aser Phantom nunger densemba action film-tem nung taoba mapang shilem agia alila, Katrina-i metetdaktsü.
“Ni tawa Mad Max: Fury Road film reprangba sülen India nunga iba amala action film yangludaktsünüa bilemba olen ka choreographer, Bosco den lemsatepa liasü. Nia Mad Max: Fury Road amala action film nung shilem agitsü jangrar,” ta lai shisem.
Ano külen, lai Hollywood nung shilem agitsü jangrar asü ta asüngdangdang, “Hau, ni azünga aliba mapang nung maongka ngura aser film tajung süra, ni Hollywood nung yangluba film-tem nunga shilem agitsü jangrar,” ta Katrina-i langzü.
Katrina-i tesüsa shilem agiba film, Fitoor-a tan February ita 12 nü sayatsü renema lir.