Madaari sayaba anogo nung sen crore 4.45 aazük

New Delhi, July 24 (Agencies): Irrfan Khan-i tongti shilem agiba Madaari film sayaba anogo nung sen crore 4.45 aazükogo, ta film yanglurtemi ashi.
Madaari film ajanga India nung sen crore 3.25 aser bendanglen sen crore 1.2 aazük, ta film atema otongdar kati metetdaktsü.
Iba film nung Irrfan aser director Nishikant Kamat nati maneni külemi shilem agi. Taoba mapang tenati külemi yangluba film Mumbai Meri Jaan ajanga sempet aika angu aser film fraternity-i tenüngsang agütsü.
Madaari film nungsa Jimmy Sheirgill, Vishesh Bansal, Tushar Dalvi, Nitish Pandey aser Ayesha Raza nungeri shilem agir.