Madame Tussauds nung PM Modi-i pa indang kürakyanglu reprang

New Delhi, April 20 (Agencies): Bodhbarnü Ato kilonser, Narendra Modi-i wax agi yangluba pa indang kürakyanglu reprangogo. London nung iba kürakyangluji April 28 nü Madame Tussauds nung sayatsü.

Iba sayaba sentong nung Modi bo medentettsü, anungji pa dang iba kürakyangluji jilia sayuogo.

Iba dak sentakba nung Modi-i Madame Tussauds telok nem tenüngsang agüja, parnoki inyakba mapa nung parnok kanga tetemsü, ta ashi.

Iba kürakyanglu nung Modi-i teti asemba süoshi- cream sentsü kurta aser jacket sema lir, aser pai teka ana amteper ‘namaste’ sayua lir.

Pa indang kürakyanglu yangludang paa densema liasü, aser 2016 küm tetenzüklen New Delhi nung pai Madame Tussauds’ artist tem nem noksa tangokdakja liasü.

Madame Tussauds nung kürakyanglu yanglua aliba nüngtugu lenirtem rongnung US Tir, Barack Obama, British Ato kilonser, David Cameron, South Africa nunger lenir, Nelson Mandela densema lenir aika lir.

Bollywood nungia Madame Tussauds nung Hrithik Roshan, Amitabh Bachchan, Madhuri Dixit, Salman Khan, Aishwarya Rai Bachchan aser Katrina Kaif nunger indang kürakyanglu yanglua lir.