Made in India e-Buzz K6 Electric Bus Union Minister Ananth Geete-i tenzüktsü

Aami 07, 2018 (Agencies): India nung electric vehicle tem benshitsü jembiba mapang “World Environment Day” nung Goldstone-BYD-i ‘eBuzz K6’ ta nüngja agütsüba ‘Electric Feeder Bus’ sayaba den külemi export asütsü sangdongogo. Iba bus ya India nung yangluba mezüng electric bus asütsü. Totzü medeni benshiba electric bus ya Heavy Industries & Public Enterprises, Union Minister, Ananth Geete-i semzüktsü. 18 seater Goldstone-BYD eBuzz K6 zero-emission electric bus ya India nung Goldstone Infratech Ltd aser BYD Auto Industry Co. Ltd tem longjema yanglutsü.
Item bus ya India nung introduce masüdang mezüng ‘eBuzz K6’ indang bus 5 tashi Nepal-i export asütsü. Iba sülen ang temüket kidanger linüktem dangi yoktsü. Item electric bus ya Lumbini tourism line tenzüktsü.
“‘Make in India’ nung dang ranglokba masü, saka ‘Made for India’ nükjidong nung yur asen linük nung tenem, lenden aser atang aliba tesem ajak nung senzütettsü atema onoki item bus yanglutsüogo,” ta Goldstone Infratech Ltd, Executive Director, Mr. Naga Satyam-i ashi.
Monocoque chassis nung iba meter 7 talang Air-Conditioned bus yanglutsü. Bus yagi 180 KW aser 1500 Nm torque agütsür. Iba den külemi iba electric bus nung smart air suspension system aser air disc brakes inoka yanglutsü. Ibaji ajanga atang aser lenmang tamajung nung timtem kecha meli ayong ayonga mener senzütettsü. eBuzz K6 bus yagi 80 KM Per Hour tashi anitettsü atema company-i advanced Li-ion Phosphate Battery inoka yanglutsüogo. Battery khen charge asü nung bus yagi km 200 tashi anitetter aser 3 Phase AC Charging ajanga battery ya ghonda 3 nungi 4 tsüngda tashi kara charge sütettsü.
Goldstone Infratech Ltd-i HRTC (Himachal Road Transport Corporation) atema electric bus 25 aser BEST (Brihanmumbai Electric Supply and Transport) atema electric bus 6 tashi agütsüogo. Tawa, Bengaluru, Mumbai aser Hyderabad yimti tem nung electric bus 290 tashi lemsa yoktsü atema ‘bid’ asüba mapang Goldstone-BYD-i takok ngua liasü.
India lenmang nung Goldstone-BYD bus temi km 200,000 tashi senzüogo aser ibaji ajanga sen million 4.5 alang totzü kümzüogo. Küm shia Goldstone-BYD electric bus tem ajanga CO2 emissions seret 18,000 tashi ajemdaktsüogo.