Madhuri-i tang tashi tsüngsangtsü angazüker:Terence

Mumbai, May 14, 2016 : Tan Madhuri Dixit den külemi “So You Think You Can Dance – Ab India Ki Baari” sentong nung tetendanger asütsü shimteta alisang,  choreographer mongin Terence Lewis-i, “Tsüngsanger mongin Madhuri-i tsüngsang yimya tasen maneni angazüker,” ta ashi.
“So You Think You Can Dance – Ab India Ki Baari” TV sentong ya ‘stage dancing’ aser ‘street dancing’ na toktepba sentong lir aser Lewis-i Madhuri dang item tsüngsangba yimya indang yimya kar lemsatepogo.
“Madhuri-i angazüktsü jangrar aser lai tsüngsang ajak kanga mela angazükteter. Lai tanga tsüngsang yimya ajak metetner aser meimer. Tanü asüngbo nübur ajaki tsüngsang yimya ajak meteta lir anungji tetendanger ka ama item yimya ajak meteta alitsüji kanga dang tim,” ta Lewis-i sangdong ka ajanga metetdaktsü.
“So You Think You Can Dance ‘Ab India Ki Baari” sentong ya TV nunga yokdar.
TV sentong “Ek Duje Ke Vaaste” nung Daboo ama shilem agisang Atharva Phadnis-i “So You Think You Can Dance ‘Ab India Ki Baari” sentong nung asayamenü shilem agidar.
Suman ama shilem agila, actress Nikita Dutta-i,  Atharva yimya yimbong ajungba ajanga nisung ajaki pa sapur, ta ashi.
“Iba tanur tila ka yagi nisung ajak menüdaktsür,” ta Nikita-i sangdong ka ajanga ashi.
“Ni tanur kanga meimer aser parnok den mapang intoka kazütsü kanga jangrar. Iba sentong nung pa maru tsüngda nisung ajaki pa menungra atar,” ta laisa ashi.