Madhya Pradesh Congress-i piyas aser daal angati lemtsü

Bhopal, August 28 (Agencies): Piyas aser pulses nung sen tali kahketa atuba atema tejashi sayua Madhya Pradesh Congress-i Hokolbar nü piyas aser pulses angati lemja liasü.

Congress nung inyakertemi tesem tesem nung mener piyas aser toor daal angati lema agütsü.

State nung Congress Tir Arun Yadav-i, “Tang ama benjung mapa ka nung piyas nung sen tali kahketa atuba ajanga nüburtem kanga akoksaer. Tajemzük kibongtembo kanga okronger saka Ato Kilonser Narendra Modi aser Chief Minister Shivraj Singh Chouhan nati iba ya asoshi ola madoker,” ta ashi.

“Parnok ajemajema aliba ajanga parnok black market nem kokdaktsüba sayur,” ta pai shisem.

Toor daal seret ka nung sen 140 aser piyas seret ka nung sen 80 agi yokteper, ta paisa ashi.