Madhya Pradesh-i ‘Hindi Medium’ film nung saru magitsü

Mumbai, May 30 (Agencies): Irrfan Khan aser Pakistani actress Saba Qamar nati shilem agiba Hindi Medium film Madhya Pradesh nung ‘tax free’ kümtsüogo.
“Madhya Pradesh sorkar aser Chief Minister Shivraj Singh Chouhan nungeri Madhya Pradesh nung iba film asoshi saru magitsü lemtetba atema ni kanga pelar” ta producer Bhushan Kumar-i metetdaktsü.
Hindi Medium film ya Saket Chaudhary-i direct asü aser film otsüji Delhi nung amenoker yangluba lir.
Iba film nung asayamenü dena lir aser Irrfan o Saba nati Raj aser Mita shilemtem agir aser tena jala kaket shisatsü ngudaktsütsü atema tenati akokba mapa inyaker.
“Iba ya osang tajung. Nisung teimba film reprangba ajanga asen linük oshi tejangba metettsü” ta film Dinesh Vijan-ia metetdaktsü.