Madhya Pradesh nung Congress-i RCSS tentettsü

Bhopal, March 29 (Agencies): Madhya Pradesh nung Congress lenirtem telok kati Rashtriya Congress Swayamsevak Sangh (RCSS) tentettsü.
Bharatiya Janata Party aser Rashtriya Swayamsevak Sangh (RSS) ama Congress aser tentet tasenba naji tesendaktep alitsü, ta Bodhbarnü state Congress lenir, Aslam Sher Khan-i metetdaktsü.
Iba telok nung Congress tangatetba pusemertem alitsü, ta pai ashi.
Yangi osangbenertem den jembidang Sher Khan-i, “BJP atema inyakja RSS ya linük tesem ajunga nung ayimsüngogo, saka ozü telok (RCSS) yabo secular asütsü aser linük atema RSS tasen ka asütsü,” ta ashi.
2017 Uttar Pradesh assembly elections nung BJP-i takok anguba dak sendakba nung pai, state nung secular politics samaba sülen iba telok tenteter, ta ashi.
“Linük nung secularism proktsü atema ozü teloki RSS-i BJP atema inyaktsüba ama inyaktsü,” ta Congress lenirisa ashi.
Sher Khan-i iba atema Congress bangdak lenirtem denbo mejembi, ajisüaka party lenirtemi iba ya junga agizüktsü imlar.
“Tang atemabo iba telok ya Madhya Pradesh aser Chhattisgarh na nung dang tentettsü,” ta paisa metetdaktsü.
Yaküm February ita nung Sher Khan-i state nung yimtenren party tasen ka tentettsü lemteta liasü.