Seoni (Madhya Pradesh), May 23 (Agencies) : Madhya Pradesh kübok Seoni district nung mopung tatsük ajanga tajemba agi nisung tenet süogo aser nisung 110 kanga mejungi kangshidar, ta Hombarnü ketdangsertemi ashi.
Doctor R.K. Shrivastav-i, Seoni kübok Ghansore block headquarter aser yimtsüng trok iba tango tatsük yagi kanga mejungi amshi, ta IANS dang ashi.
Nisung tenet taküm samaogo aser nisung 110 anogo anabuba tepok kanga mejungi oa okrongdar, ta pai ashi.
Seoni nung iba mopung tatsük agi amshir tesem tanga temji Pachpedi, Pahari, Bhilawadi, Bineki, Banda aser Agariakalam tesemtem lir, ta health department sangdong ka ajanga metetdaktsü.
Kanga atsükba ajanga item tesem nung alirtem tepoki kanga mejung aoer aser karbo teyari monguteti lir, ta kasa sangdong ajanga ashi.
You must be logged in to post a comment Login