Madonna-i ano Bangkok nung ano kenten sentong ayongtsü

Oct. 07, 2015: Nüngtugu kentener Madonna-i lar Rebel Heart world tour den sentaktepa Bangkok yimti nung agitsü ayongba kenten sentong ticket ajunga ghonda ka tsüngda yokmaba sülen iba yimti nung tanabuba kenten sentong agitsü lemtetba osang ka tanü Bodhbar nü metetdaktsüogo.
Madonna-i tan mezüng Thailand yimtiba, Bangkok nung lar kenten sentong ayonga agitsü sentong renemer lir aser nüburtemi la kanga dang sapuba yong lar kenten sentong indang ticket ajunga yokmaba osang jangjaogo.
“Madonna-i sangküm February ita 9 nü agitsü ayongba kenten sentong indang ticket ajunga ghonda 1 tsüngda nung yokma, iba yongji tasüngnü, February 10 nüa Thailand nüburtem atema kenten sentong ka agitsü renem,” ta Thailand nung Madonna’er kenten sentong acha ayanger, BEC-Tero-i osang jangjashitsü.
Madonna-i Taipei, Bangkok, Tokyo, Hong Kong, Macau aser Manila densema sangküm February ita Asia semdanga kenten sentongtem ayong agiba den külemi, Australia nunga kenten sentong ayonga agitsü sentong renema lir.