Madonna-i Malawia nunger tanur ana agitsü benokogo

January 26, 2017: ‘Pop Queen’ ta ajala nüngtugu kentener, Madonna-i lar tanur ama agia reprangtsü atema 2006 küm aser 2009 küm Malawi nungi tanur ana ‘adopt’ süa lir aser iba linük taoba Tiri iba atemaji la aijaka maneni lai Malawi nungisa tanur ana adopt asütsü atema benokogo.
Tamalen lai iba linük nung tanur ana adopt süa lir aser tenaji- David Banda aser Mercy James na lir.
‘Like A Virgin’ ken atenla, Madonna-i maneni tanur ana agitsü atema linük indang court ka nung benokogo, aser iba court jagi ano tanur ana agitsü atema la temsüa ali asü mali ibaji shisadanga telemtetba agitsü.
Arishi küm 58 Maddona’er chichiba chir ana- Lourdes aser Rocco na lir, ajisüaka Rocco-i la den masü saka London nung tebu, Guy Ritchie den ang alitsü melungteta liasü.
Local media osang ajanga ashiba agi, Madonna-i iba atemaji Justice Fiona Mwale ajurua jembiogo.
2016 küm Madonna-i Maliwa linük semdanga liasü, ajisüaka Malawi nung taoba Tiri ibaji aitsü.
Ajisüaka Tir tasenba Peter Mutharika-ibo nüngtugu kentener aser actor tem den tesendaktep tajungba yanglutsü meranger.
Tir, Mutharika-i, Madonna-i iba linük meimba atema sorkari la dang pelaa alir, ta ashi.