Madonna shitakba ajungmeso sangji asür David Bowie liasü

December 12, 2016 : Arishi küm 58 tain, kentener Madonna küm 30 dak tema kentenba nung kanga wangshiogo aser ken atentsü asoshi Debbie Harry, Chrissie Hynde aser Aretha Franklin nungeri ajungmeso, saka ‘Starman’ ken kanga nüngtugu küma tentetsangi tuluba ajungmeso, ta Madonna-i ashi.
Billboard den jembiba mapang lai, “Ni Debbie Harry & Chrissie Hynde aser Aretha Franklin nungeri kententsü ajungmeso, saka ni ajungmesor tulutibaji David Bowie liasü,” ta ashi.
‘Like A Virgin’ ken nüngtugu süa tentetla, Madonna-i, Bowie dak tetsür aser tebur mesükba tanela tajung keta aliba ajanga la ajungmeso, ta ashi.
Maneni lai, “Pa dak tetsür aser tebur mesükba jakla tajung alibaji ni atema tapet asü. Pai kü nem kecha ozünga mali amai bilemdaktsü. Ajisüaka ni tai liasü. Tebur atema ozüng mali saka tetsür atemabo ozüng lir. Na tetsür ka süra game ji asayatsü nüngdaker. Na tangari junga angutsüla, teburtem nem sapudaktsütsüla aser renemrenemer asütsüla. Ajisüaka kanga tali meyakyaktsü merangtsüla. Tangari atetsüsa malitsüla,” ta ashi.
Entertainment industry nung star kaji tain mekümdaktsüner aser joko shilem junga magiteti kümra langka aibelener amai züngshir, ta lai ashi.
Lai, “Anungji tain akümba kanga meshisangdaktsütsüla. Kechiba süra tain akümbaji tai menar amai züngshir. Na tainba akümdang industry nung na mezüngshitsü aser ajemzüka yutsütsü merangtsü,” ta ashi.