Chennai, January 20 (Agencies): Indian Premier League (IPL) cricket asayamong nung shilem agiba telok, Chennai Super Kings (CSK)-i par telok nem agütsüba küm 2 tashi masayadaktsütsü temerenshi agientsü asoshi benokba onük magizüktsü lemtetba osang ka Madras High Court-i tanü Bodbar nü metetdaktsüogo.
2013 IPL asayamong nung ochimashi inyakba ken o nung aitsüba sülen Lodha Committee-i ajungshia, CSK telok küm 2 tashi IPL nung shilem magidaktsütsü temerenshi agüja lir.
Chief Justice Sanjay Kishan Kaul aser Justice P S Sivagnanam na densemba okadak mendeni Chennai Super Kings Cricket Limited (CSKL)-i benokba onükji magizüktsü lemtetba den külemi, BJP lenir, Subramanian Swamy-i CSK aser Rajasthan Royals telok na nem agütsüba temerenshi agientsü asoshi benokba Public Interest Litigation (PIL) ken o-a magizüktsü lemtetba osang jangjaogo.
You must be logged in to post a comment Login