Madrid Masters: Andy Murray quarterfinal-i iogo

Madrid, May 05 (Agencies): Defending champion, Britain nunger Andy Murray-i France nunger Gilles Simon madak takok ngua, tang tasayadak Madrid Masters asayamong tebur singles quarterfinal asayatsü jenjang tanü, Brehostibar nü ajangzükogo.
Tebur World No. 2, Murray-i ghonda 1 ser minute 38 nung points 6-4, 6-2 ngua World No. 18, Simon madak ayong ayonga takok angu.
Tan takok anguba ya Murray-i Simon den 16 ben tashi ajurutepa asayadang tan agi 14 benbuba takok angur lir.
Arishi küm 28 tain Murray-i Czech Republic nunger Tomas Berdych den quartefinal asüng, Hokolbar nü asayatsü lemzükogo.
Berdych-ia points 7-6 7-5 agi Spain nunger David Ferrer madak takok ngua quaterfinal-i aiba osang jangjaogo.