Madrid Open: Nadal o Murray na semifinal asayatsü

Madrid, May 07 (Agencies): Spain nunger tennis asayar mongin, Rafael Nadal-i quarterfinal koka asayaba sülen defending champion, Andy Murray den tang tasayadak Madrid Masters tennis asayamong tebur singles semifinal asayatsü jenjang yashi, Hokolbar nü ajangzükogo.
Taoba mapang Grand Slam takok marok 14 tashi agizüksang, Nadal-i yashi points 6-0, 4-6, 6-3 ngua Portugal nunger Joao Sousa quarterfinal asaya nung tsükdaktsü.
Tan takok anguba ya Nadal-i European clay-court asaya 13 buba akoker lir.
Britain nunger Murray-ia yashi points 6-3, 6-2 ngua Czech Republic nunger Tomas Berdych quarterfinal asaya nung tsükdaktsüba sülen semifinal asayatsü jenjang ngua liasü.
Tan takok anguba ya Murray-i Berdych den 8 ben tashi ajurutepa asayadang 6 buba asaya akoker lir.
Japan nunger Kei Nishikori-ia points 6-7 (6/8), 7-6 (7/1), 6-3 agi Australia nunger Nick Kyrgios madak quarterfinal asaya akokba sülen Serbia nunger Novak Djokovic mesüra Canada nunger Milos Raonic na rong nung ka dang semifinal asayatsü jenjang nguogo.
Slovakia tsür, Dominika Cibulkova-ia points 6-1, 6-1 agi America tsür, Louisa Chirico semifinal asaya nung tsükdaktsüba sülen tetsür singles final asayatsü jenjang angu.
Cibulkova-i Romania tsür, Simona Halep mesüra Australia tsür, Sam Stosur na rong nung ka den final asayatsü.