Madrid Open nung asayatsü asoshi Sharapova nem maongka agütsür

Barcelona, February 08 (Agencies): Taoba mapang World No 1, Maria Sharapova nem Madrid Open nung asayatsü asoshi maongka agütsüogo. La ya ozüng alema mozü achiba ken-o nung aitsüba ajanga ita 15 tennis asaya nungi nokdanga lir aser iba tenokdangba ya tembanger hopta ana dang lir May 5 nung Madrid Open ya tenzüktsü.
2016 Australian Open asayaba mapang, Sharapova-i meldonium mozü achiba putet aser iba ajanga International Tennis Federation (ITF) ajanga la küm ana tennis masayatsü tenokdangba agütsü.
Meldonium mozü achiba ajanga asayar temang nung tashi agütsür ta putetba sülen, World Anti-Doping Agency ajanga 2016 nungi tenzüka iba mozü ya asayari machitsü tenokdangba agütsü.
Sharapova-i iba tenokdangba mozü ya metetsümonga achiba masü ta küli agütsüba sülen, ITF-i la nem tenokdangba agüja aliba Court of Arbitration for Sports (CAS)-i la April 26 nungi asayatsü temelaba agütsü.