Maggi noodles junger ta tendangtetogo: Nestle

Mumbai, October 16 (Agencies): Chiyungtsü yangluba business nung tetsüti, Nestle India-i, Maggi noodles laboratory asem tashi nung tendangba noklang nung noklang kecha tai mali ta tendangtetogo, ta Hokolbar nü sangdong ka ajanga metetdaktsü.

Kasa sangdong ajanga Nestle-i, Bombay High Court-i Maggi noodles tendangang ta tetuyuba agütsüba ama onoki inyakogo aser tetendangba osanga laboratory asem prong nungi nguogo, ta ashi.

“Maggi tapu trok nungi ‘sample’ 90 tashi laboratory asem nung tendangba sülen iba chiyungtsü nung mela-a aliba dang nungi ‘lead’ kanga agi ajemba aliba puteta liasü,” ta company sangdong ajangasa ashi.