Mahajan-i 2016 Millcreek Giant TT asayamong takok marok agizük

Erie, April 18 (Agencies): US nung alir Jammu Kashmir asangur, Aryan Mahajan-i US kübok Pennsylvania nung ayongba 2016 Millcreek Giant round-robin table tennis (TT) asayamong takok marok taoba Honibar nü agizükba osang jangjaogo.
Pennsylvania kübok Erie nung ayongba TT asayamong ya USA Table Tennis-i ketdangsüa agiba asayamong ka lir.
Taküm Janaury ita Ohio nung ayongba under-16 TT asayamong takok marok angusang, arishi küm 14 tain Mahajan-i points 3-2 agi Asawari Khadode madak final asaya nung takok ngua senpet sen dollar sen 3,000 agizüka liasü.
Coach Samson Dubina-i anitetsang, Mahajan-i taküm küm tenzüker tan agi junior jenjang nung TT asayamong takok marok tanabuba agizüker lir.