Maharana Pratap nüngtem nung IRB jaloktsütsü: Rajnath

New Delhi, June 08 (Agencies): Rajasthan nung Indian Reserve Battalion tasen ka Mewar tesem nungi nokinketer, Maharana Pratap nüngtem nung jaloktsütsü, ta Union Home Minister, Rajnath Singh-i metetdaktsü.

Home Minister Singh-i anogo ana atema state semdanga lir aser yashi sentong ka nung pai iba osang metetdakja liasü.

Tamalen Chief Minister, Vasundhara Raje-i Singh dang iba atema mepishia liasü.

Rajput yimsüsür Maharana Pratap-i Mughals anema rara aser parnok matsüngdang kodanga maputak, ta Singh-i ashi.

Union minister-isa Jodhpur nung aliba Sardar Patel University of Police, Security & Criminal Justice nung kiralongrarba anema raratsü atema Global Centre ka amenoktsü, ta sangdongogo.