Maharashtra gari lendong nung tamang aieni aor pongu asü

Solapur, July 02 (Agencies): Honibarnü Maharashtra, Solapur district nung gari kati truck ka dak tsükoktsüba lendong nung tajemba agi tetsür pongu asü aser nisung 11 yiruogo, ta district ketdangser kati ashi.
Tetsürtemji tekülem ki aliba jila, Pandharpur-i temeshi aieni aoba sülen meyipa arudang tanü 11:45 ako meta Karmala anasa Jeur-Shelgaon lenmang nung iba lendongji atalok, ta  police ketdangser, Shahir Ghuge-i ashi.
Temeshi aieni aortem amenba gari ji truck ka den tekolak chitepa tsüktep, aser iba lendong nung tetsür pongu iba tesem nungjisa atanga asü, ta Ghuge-i ashi.
Yirua alir rongnung parnok pongu Karmala nung aliba hospital kati anir ao aser kanga mejungi yirua alir parnok nisung trok Solapur-i anir ao.
Kümshia Pandharpur Yatra mesüra ‘Waari’ nung adentsü atema temeshi aieni nisung lakh aika aor, aser parnok rongnung lendong ajururtemji dena liasü.
June 27, 2016 nü temeshi aieni aoba tenzük aser iba benjung ya July 15, 2016 nü tembangtsü.