Maharashtra nung IPL masayatsü: SC

New Delhi, April 27 (Agencies): India nung tentetba okadak tematiba, Supreme Court (SC)-i taruba May ita nungi tenzüka, India kübok Maharashtra state nung Indian Premier League (IPL) asaya masayatsü obendang tanü, Bodbar nü agütsüogo.
Tajemtsü tzü peria mongui aliba Maharashtra nung IPL masayastü asoshi Bombay High Court (BHC)-i agütsüba obendang tanaben reprangshitsü asoshi Maharashtra aser Mumbai Cricket Assocaitions’ (MCA) na tenüng nung tongti okatsür, P Chidambaram aser AM Singhvi nati onük benok saka Chief Justice, TS Thakur-i aniba okadak mendeni BHC-i tan April ita 13 nü agütsüba obendang mapa küma inyaktsü asoshi metetdaktsü.
Tan SC-i obendang agütsüba ajanga taruba May ita asayatsü renemba IPL asaya 12 den külemi, Mumbai nung taruba May ita 29 nü asayatsü ayongba IPL final asaya Maharashtra nung masayatettsüsa jenjang ajurur lir.