Maharashtra nung nisung 13 tsükset

Mumbai, Aenjeti (Jan) 27 (Agencies): Maharashtra kübok Kolhapur nung aliba Panchganga ayong nung minibus ka tsükokba lendong nung nisung 13 tsüksetogo, ta tanü police-i metetdaktsü.
Rogonü anüngdang 11.45 ako meta iba lendongji atalok. Bus nungji kibong asem nungi nisung 17 mener Ganpatipule nungi meyipa arudang iba lendongji atalok.
Asür parnok 13 rongnung tebur asem, tetsür asem aser arishi ita 9 kinü tanur ka densema tanur tenet liasü.
Iba lendong atalokba sülen ana meta alirtem den Kolhapur police-i nisungtemji bushi tenzük, aser parnoki passenger 16 angu aser parnok rongnung nisung 13 bo sür liasü, aser tanüngba nisung asemji hospital ka nung yaridar.
Passenger ajungaji Pune kübok Balewadi nungi liasü, ta ketdangserisa shisem.