Maharashtra nung taoba Dy. Speaker Pramod Shende süogo

Nagpur, November 15 (Agencies): Taoba mapang Maharashtra state assembly nung Deputy Speaker, Pramod Shende mapang talangka shiranga lir Honibar aonung süogo. Pa arishi küm 77 liasü.
Wardha nung telitak Shende yimti nung aliba nija hospital kati anir ao, aser temang telen aikati mapa meinyaki pa alima nungi pilaogo, ta par kinüngertemi ashi.
Shende ya trokbenren tashi MLA inyakogo aser 1988-1990 küm tashi Sharad Pawar’er sorkar nung minister-a inyakogo. 1999 nungi 2009 küm tashi pa state assembly nung Deputy Speaker inyaka liasü.
Pai jabaso asem aser jala ka toktsür süogo.
Pa asüba osang angashia Maharashtra chief minister Devendra Fadanvis, finance minister Sudhir Mungantiwar, taoba chief minister aser Maharashtra Pradesh Congress Committee Tir, Ashok Chavan aser state assembly nung Opposition lenir Vikhe Patil nungeri pa asüba asüko osang lemsatepogo.