Maharashtra nung tzünglu ajanga nisung 12 asü

Mumbai, June 10 (Agencies): Honibarnü Maharashtra nung Mumbai densema tesem aika nung tzünglu sashia aruba ajanga tajemba agi nisung 12 süogo, aser maneni taruba ghonda 48 tzünglu maneni arutsü ta weather department ajanga metetdaktsüogo.
Tanep züngia 1:00 ako nungi tenzüka sawatsü mapang tashi Konkan, Mumbai, northern, western aser eastern Maharashtra nung tzünglu sashia aruba den külemi tsüngmok amokba den tsüngpret yaa liasü.
Yimti kar nungbo ali nemzüka alidak aika nung tzü metsünga liasü.
Iba tzünglu ajanga tajemba agi state nung nisung 12 süogo.
Asürtem rongnung Gadchiroli nung nisung pezü asü aser nisung ti yiru, Nanded nung nisung asem asü aser aser nisung ka Nashik nung tsüngi agi aiset.
IMD Mumbai-i Konkan belt, north & south central Maharashtra aser Marathwada nung ano tzünglu sashia arutsü, ta sangdongogo.