Maharashtra nungi BJP lennir tejen Ram Kapse süogo

Mumbai, September 29 (Agencies) : BJP lennir tejen Ram Kapse tanü alima nungi pilaogo. Pa arishi küm 82 liasü.

Tesüiba küm 8 tashi Kapse temang manemi dang liyonga aru aser tanep 4:00 ako meta Thane district anasa Kalyan residence nung pa asü, ta Maharashtra BJP chief spokesperson, Madhav Bhandari-i ashi.

Kapse ya December 1, 1933 nü aso aser taoba mapang Andaman & Nicobar Islands nung Lt Governor inyakogo.

Maharashtra nung pa ya BJP lennir tongtipang ka liasü aser pai Lok Sabha 9 aser 10 buba nung Thane nungi takok angu.

“Maharashtra nung BJP ulushia inyakba lennirtem rongnung Rambhau dena liasü aser pai nübortemi atema bendanga agüja inyak” ta Maharashtra chief minister Devendra Fadnavis-i metetdaktsü.

“Ram Kapse;’er kibong, medemertem aser BJP züngsem ajak den ni asüku lemsateper” ta Fadnavis-isa ashi.

BJP tir, Amit Shah-ia Twitter ajanga Ram Kapse asüba atema mangyimba metetdaktsü.

BJP lennir aser Union Minister Nitin Gadkari-ia, “BJP lennir tejen & Thane nung Ex-MP aser taoba Lt Governor Andaman & Nicobar, Rambhau Kapse asüba atema mang ayimer” ta metetdaktsü.

“Kapse ya tangatetba tajung aliba nisung ka liasü. Pai teti common man atema inyak aser pa corporator, legislator, MP aser Lt Governor inyakdang common man atema inyak” ta Maharashtra BJP tir, Raosaheb Danve-ia metetdaktsü