Maharashtra sorkari school nung politics maitdaktsütsü tuyur

Mumbai, January 13 (Agencies): Taoba hopta BJP lennir kari Citizenship Amendment Act pusemtsü ayongzüktsü atema Mumbai nung school ka semdangba sülen Maharashtra school education department-i tanü tetuyuba ka agütsüogo.
Maharashtra school education department-i school tem dang parnok school telungtet nung yimten mapa meinyakdaktsütsü atema tetuyuba agütsüogo.
BJP lennirtem nem school telung nung CAA pusemtsü mapa inyakdaktsüba atema show cause notice agütsüogo, ta school education minister Varsha Gaikwad-i ashi.
“Sorkari state nung aliba school ajak dang yimtenren dak sendakba sentong kecha ayonga magitsü atema tetuyuba agütsüogo. Onoki school tem nung education aser health dak sendakba onüktem dang jembidaktsünür. Politics atema tanga sabang aika lir” ta Varsha Gaikwad-isa ashi.
Hokolbarnü BJP-i Dayanand Balak Vidyalaya nung CAA indang olemtepba sentong ka ayonga agi. Iba sentong nung kaketshirtem dang CAA indang osang metetdaktsü, ta BJP züngsem kati ashi.
Uttar Bharatiya Morcha lennir aser school indang trustee Sumita Singh-i iba sentong ya ayongzük.
“Kaketshirtem nem PM dangi züluba postcards agütsü aser parnoki CAA indang bilemba zülur PM dangi yoktsü ayongzük” ta Sumita-isa ashi.
Iba mapa ya Maharashtra Vikas Aghadi (MVA) nung züngsem aikati aitsüogo.
Honibarnü Maharashtra tourism minister Aaditya Thackeray-i iba mapa ya temenünütsükla ta lutsü aser school nung politics inyaktsü merangba ya magizüktsüla ta ashi.