Maharasthra nung Naga nunger doctor ka arakset

Dimapur, April 17 (Agencies): Maharasthra kübok Bhamragarh nung medical officer inyaker Naga nunger doctor ka April 16, 2017 nü Gadchiroli nung tzü nung arakset.
Tasüsangji Chudi village, Wokha nung Libemo Jami’er jabaso Dr. L. Rungcho Jami ta jangjaogo.
Pa indang mangji Mongulbarnü Delhi adena Dimapur-i bener arutsü aser idak nungi Wokha-i bener oa Bodbarnü asüpila sentong agitsü ta osang angazüker.
Bhamragarh tesem nung asür Dr. L. Rungcho-i lokti asoshi mapa jenti inyak. Bhamragarh ya Nagpur nungi kilometer 330 shi pilar lir aser meta talangka pilar aliba yimdaklirtemi pa kanga akhümtsübu aser pai sorkar den ‘bond agreement’ tembangaka pa maneni mapa inyakdaktsünüa liasü.
Dr. L. Rungcho-i community service inyakba atema news channel temi pa den sensaksem agitsü sentong renema liasü.